ગુજરાત કૃષિ યુનિવર્સિટીઓમાં પ્રવેશ પ્રક્રિયા: ૩ ઓનલાઈન રાઉન્ડ બાદ ખાલી બેઠકો માટે ૧૫ થી ૧૭ સપ્ટેમ્બર દરમિયાન ‘ઓફલાઇન મોપ-અપ કાઉન્સેલિંગ’ યોજાશે
ગુજરાત રાજ્યની કૃષિ યુનિવર્સિટીઓમાં ધોરણ-૧૨ વિજ્ઞાન પ્રવાહ (બી-ગ્રૂપ) પછીના સ્નાતક કક્ષાના અભ્યાસક્રમોમાં પ્રવેશ મેળવવા ઈચ્છતા વિદ્યાર્થીઓ માટે એક મહત્વપૂર્ણ સમાચાર સામે આવ્યા છે. Agricultural Universities of Gujarat Common Admission (GSAUCA) દ્વારા ત્રણ ઓનલાઈન એડમિશન રાઉન્ડ પૂર્ણ થયા બાદ પણ વિવિધ કોલેજોમાં ખાલી રહેલી બેઠકો ભરવા માટે રૂબરૂ (ઓફલાઇન) મોપ-અપ કાઉન્સેલિંગ કાર્યક્રમની જાહેરાત કરવામાં આવી છે.
આ કાઉન્સેલિંગ પ્રક્રિયા ૧૫ સપ્ટેમ્બર ૨૦૨૬ થી ૧૭ સપ્ટેમ્બર ૨૦૨૬ દરમિયાન રાજ્યની ચારેય મુખ્ય કૃષિ યુનિવર્સિટીઓના મુખ્ય કેમ્પસ ખાતે સવારથી જ હાથ ધરવામાં આવશે.
કયા-કયા અભ્યાસક્રમો (પ્રોગ્રામ કેટેગરી-૧) નો સમાવેશ થાય છે?
આ ઓફલાઇન કાઉન્સેલિંગ હેઠળ નીચે દર્શાવેલા સ્નાતક કક્ષાના કોર્સની ખાલી બેઠકો ભરવામાં આવશે:
- બી.એસસી. (ઓનર્સ) એગ્રીકલ્ચર (B.Sc. Hons. Agriculture)
- બી.એસસી. (ઓનર્સ) હોર્ટિકલ્ચર (B.Sc. Hons. Horticulture)
- બી.એસસી. (ઓનર્સ) ફોરેસ્ટ્રી (B.Sc. Hons. Forestry)
- બી.ટેક. (બાયોટેકનોલોજી) (B.Tech. Biotechnology)
- બી.એસસી. (ઓનર્સ) નેચરલ ફાર્મિંગ (B.Sc. Hons. Natural Farming)
આ યુનિવર્સિટીઓમાં પ્રવેશની તક મળશે
ગુજરાત રાજ્યની મુખ્ય ચાર સરકારી કૃષિ યુનિવર્સિટીઓ અને હાલોલ ખાતેની વિશેષ યુનિવર્સિટીમાં વિદ્યાર્થીઓને મેરિટના ધોરણે પ્રવેશ અપાશે:
૧. આણંદ કૃષિ યુનિવર્સિટી (AAU, Anand)
૨. જૂનાગઢ કૃષિ યુનિવર્સિટી (JAU, Junagadh)
૩. નવસારી કૃષિ યુનિવર્સિટી (NAU, Navsari)
૪. સરદારકૃષિનગર દાંતીવાડા કૃષિ યુનિવર્સિટી (SDAU, Dantiwada)
૫. ગુજરાત નેચરલ ફાર્મિંગ સાયન્સ યુનિવર્સિટી (GNFSU), હાલોલ
૧. આણંદ કૃષિ યુનિવર્સિટી (AAU, Anand)
૨. જૂનાગઢ કૃષિ યુનિવર્સિટી (JAU, Junagadh)
૩. નવસારી કૃષિ યુનિવર્સિટી (NAU, Navsari)
૪. સરદારકૃષિનગર દાંતીવાડા કૃષિ યુનિવર્સિટી (SDAU, Dantiwada)
૫. ગુજરાત નેચરલ ફાર્મિંગ સાયન્સ યુનિવર્સિટી (GNFSU), હાલોલ
કયા વિદ્યાર્થીઓ કાઉન્સેલિંગમાં ભાગ લઈ શકશે? (Eligibility)
સત્તાવાર પરિપત્ર મુજબ, સત્તાવાર મેરિટ યાદીમાં સામેલ માત્ર નીચે મુજબના ઉમેદવારો જ આ રૂબરૂ રાઉન્ડમાં ભાગ લેવા પાત્ર છે:
- પ્રથમ ચોઈસ સિવાયના વિદ્યાર્થીઓ: જે ઉમેદવારોને અગાઉના ત્રણ ઓનલાઈન રાઉન્ડ દરમિયાન પોતાની પ્રથમ પસંદગી (First Choice) સિવાયની અન્ય કોઈ કોલેજમાં પ્રવેશ મળેલો હોય અને તેઓ કોલેજ બદલવા ઈચ્છતા હોય.
- પ્રવેશ ન મળ્યો હોય તેવા વિદ્યાર્થીઓ: જે વિદ્યાર્થીઓએ ઓનલાઈન રજીસ્ટ્રેશન કરાવ્યું હતું પરંતુ અગાઉના ત્રણેય રાઉન્ડમાંથી એકપણમાં પ્રવેશ મેળવી શક્યા નથી.
વિદ્યાર્થીઓ માટે ખાસ સૂચના
કાઉન્સેલિંગ જે-તે યુનિવર્સિટીના મુખ્ય કેમ્પસ પર જઈને જ રૂબરૂ કરાવવાનું રહેશે. વિદ્યાર્થીઓએ પોતાના તમામ અસલ દસ્તાવેજો (Original Documents), તેની પ્રમાણિત નકલો અને ઓનલાઈન ભરેલા ફોર્મની કોપી સાથે રાખવાની રહેશે. વધુ વિગતો અને મેરિટ ક્રમ મુજબનો ચોક્કસ સમય જાણવા માટે વિદ્યાર્થીઓએ GSAUCA Official Portal ની મુલાકાત લેવાની રહેશે.
Follow Us:
સંબધિત સમાચાર
