ભાવનગર મહાનગરપાલિકા (BMC) માં સેનેટરી સબ ઇન્સ્પેક્ટરની ભરતી
ભાવનગર:ભાવનગર મહાનગરપાલિકા (BMC) દ્વારા "સેનેટરી સબ ઇન્સ્પેક્ટર" સંવર્ગની સીધી ભરતી માટે ઓનલાઈન અરજી પ્રક્રિયા તેના અંતિમ ચરણમાં છે. આ સરકારી નોકરી મેળવવા ઈચ્છતા અને લાયકાત ધરાવતા ઉમેદવારો માટે ઓનલાઈન ફોર્મ સબમિટ કરવાનો આજે એટલે કે ૧૫ સપ્ટેમ્બર ૨૦૨૬ (રાત્રે ૨૩:૫૯ વાગ્યા સુધી) છેલ્લો દિવસ છે. સમયમર્યાદા સમાપ્ત થવાને ગણતરીના કલાકો જ બાકી હોવાથી લાયક ઉમેદવારોને વહેલી તકે અરજી પૂર્ણ કરવા અનુરોધ કરાયો છે.
જગ્યાઓ અને પગાર ધોરણ (Vacancy & Salary Details)
-
- કુલ ખાલી જગ્યાઓ: ૦૪ પદો (સેનેટરી સબ ઇન્સ્પેક્ટર)
- માસિક ફિક્સ પગાર: પ્રથમ ૩ વર્ષના કાર્યકાળ માટે રૂ. ૪૦,૮૦૦/- નિયત ફિક્સ પગાર આપવામાં આવશે.
- નિયમિત નિમણૂંક: ૩ વર્ષની સંતોષકારક સેવા પૂર્ણ થયા બાદ પે મેટ્રિક્સ લેવલ-૫ (રૂ. ૨૯,૨૦૦ – ૯૨,૩૦૦) ના નિયમિત પગાર ધોરણમાં સમાવેશ કરવામાં આવશે.
શૈક્ષણિક લાયકાત અને વયમર્યાદા (Eligibility Criteria)
અરજી કરવા માટે ઉમેદવાર પાસે નીચે મુજબની લાયકાત હોવી અનિવાર્ય છે:
-
- પદવી: કોઈપણ માન્ય યુનિવર્સિટીમાંથી સ્નાતક (Graduate) ની ડિગ્રી.
- ડિપ્લોમા: સરકારી માન્ય સંસ્થામાંથી સેનેટરી ઇન્સ્પેક્ટર ડિપ્લોમા કોર્સ (Sanitary Inspector Diploma) પાસ કરેલો હોવો જોઈએ.
- અન્ય જ્ઞાન: કોમ્પ્યુટરનું પાયાનું જ્ઞાન (Basic Computer Knowledge) તેમજ ગુજરાતી અને હિન્દી ભાષાની પૂરતી જાણકારી.
- વયમર્યાદા: ૧૫ સપ્ટેમ્બર ૨૦૨૬ના રોજ ઉમેદવારની ઉંમર ૧૮ થી ૩૫ વર્ષ ની વચ્ચે હોવી જોઈએ.
અરજી ફી અને ચુકવણી પદ્ધતિ (Application Fee)
-
- સામાન્ય / બિન-અનામત વર્ગ (General/UR): રૂ. ૧૦૦૦/- (+ પોસ્ટલ ચાર્જીસ)
- અનામત વર્ગના ઉમેદવારો (Reserved Category): રૂ. ૫૦૦/- (+ પોસ્ટલ ચાર્જીસ)
- પેમેન્ટ મોડ: ફી માત્ર કમ્પ્યુટરાઈઝ્ડ પોસ્ટ ઓફિસ ચલણ (Computerized Post Office Challan) દ્વારા જ સ્વીકારવામાં આવશે. પોસ્ટ ઓફિસમાં ચલણ જમા કરાવવાની છેલ્લી તારીખ ૧૭ સપ્ટેમ્બર ૨૦૨૬ છે.
અરજી કરવાની રીત (How to Apply)
યોગ્ય લાયકાત ધરાવતા ઉમેદવારોએ ઓનલાઈન ફોર્મ ભરવા માટે ઓજેઆસ ગુજરાતની સત્તાવાર વેબસાઇટ
ojas.gujarat.gov.in પર જવાનું રહેશે. ઉમેદવારોએ ઓનલાઈન ફોર્મ સબમિટ કરીને એપ્લિકેશન કન્ફર્મ કરવાની રહેશે, ત્યારબાદ જનરેટ થયેલા પોસ્ટ ઓફિસ ચલણની પ્રિન્ટ કાઢી નજીકની કોમ્પ્યુટરાઈઝ્ડ પોસ્ટ ઓફિસમાં જઈને નિયત ફી જમા કરાવવાની રહેશે. ભવિષ્યના સંદર્ભ માટે ફાઈનલ કન્ફર્મ થયેલા ફોર્મ અને ફીની રસીદ સાચવી રાખવી અનિવાર્ય છે.
Follow Us:
સંબધિત સમાચાર
