મેઘરાજાની હેલીથી નવપલ્લવિત થયું સાપુતારા

ડાંગ જિલ્લા અને ગિરિમથક સાપુતારામાં લાંબા વિરામ બાદ મેઘરાજાએ પુનરાગમન કરતાં વાતાવરણ આહલાદક બન્યું છે અને પ્રવાસીઓમાં ભારે ઉત્સાહ જોવા મળી રહ્યો છે. અસહ્ય ઉકળાટ બાદ થયેલા આ વરસાદથી પ્રકૃતિ સોળે કળાએ ખીલી ઉઠી છે અને વીકએન્ડમાં મોટી સંખ્યામાં પ્રવાસીઓ ઉમટી પડ્યા છે.

ડાંગ જિલ્લાના ગિરિમથક સાપુતારા અને આસપાસના વિસ્તારોમાં લાંબા વિરામ બાદ મેઘરાજાનું પુનરાગમન થતાં વાતાવરણમાં ઠંડક પ્રસરી છે અને પ્રકૃતિ સોળે કળાએ ખીલી ઉઠી છે. આ વરસાદને કારણે પર્યટકોએ કુદરતી સૌંદર્ય અને ગાઢ ધુમ્મસના આહલાદક નજારાની મજા માણી હતી જ્યારે ખેડૂતોમાં પણ આનંદનો માહોલ જોવા મળ્યો છે.